Livskvalitet, trivsel og meistring; individuelt tilpassa aktivitetar med utgangspunkt i den einskilde sine behov og garden sin årssyklus.

Me har kyr og kalvar av Vestlandsk Fjordfe, hest, høner og kattar. Dyra får stell og omsorg.

I veksthuset dyrkar me blomster, salat, agurk og tomat, og i åkeren har me gønsaker. Me sår, plantar, lukar, vatnar, ser, luktar, kjenner og smaker.

I verkstaden gjer me tre- og maskinoppgåver. Grinder skal reparerast; humlehotell og fuglekasser skal byggast. Maskiner og utstyr skal vedlikehaldast og reparerast.

Strandlinje, naust og båt gir aktivitetar knytt til fjorden; stølar og dyr på beite knyter oss til fjellet.
Her er noko for alle.

Me har jobba med Grøn omsorg og Inn på tunet sidan 1990-talet. Me var med i piloten for utarbeiding av kvalitetssikringssystemet som blir brukt til å godkjenne Inn på tunet tilbydarar, og var av dei første i landet som vart godkjende.

Les meir om Inn på tunet og godkjenningsordningen på innpåtunet.no